MERDIKA!
Dari ini tjorong misih ada chabar perkara longsor jang ini kali kadjadian ada di Kota Bandung. Minggoe malam laloe, satoe kelompok orang jang sedeng riang gembira rajaken reoeni sekolah di Poencloet, dengen sekonjong-konjong beroebah djadi peristiwa piloe.
Ada bilangan 24 orang jang sedeng senda goeraoe sehabis boeka bersama, sepoeter poekoel 21, tiba-tiba sahadja kedai jang sedeng merika tempati ambroek laloe ambrol, ikoet longsoran tanah, ambles sedalem doe satengah meter. Ini kadjadian didoega ada hoeboengannja dengen peristiwa lindoe tempoe hari. Dari itoe 24 orang, ada bilangan 5 orang jang haroes dimasoepken Roemah Sakit Salamoen lantaran loeka-loeka atawa patah toelang.
Ini kadjadian djoega tida oeroeng bikin Loerah Tjioemboeleuit Toean Aditia ikoet prihatin, sehingganja perloe atoeran-atoeran jang bisa bisa kasih djaminan, soepaja tetamoe jang piknik ke itoe lokatie bisa lebih aman adanja. Saperti jang kita tahoe, ada banjak kedai di itoe tempat jang diboeat dari bamboe ata kajoe dengen konstroektie jang koerang kasih djaminan kaamanan.
Sehingga ini warta ditoelis, di itoe kadjadian soeda dikasih garis politsie dan sedeng dalem sidikan lebih landjoet.
Tidak ada komentar:
Posting Komentar